હિંમતનગરમાંથી કાર ભાડે મેળવીને છેતરપિંડી આચરતો ગાંધીનગરનો એક શખ્સ ઝડપાયો

હિંમતનગરમાંથી કાર ભાડે મેળવીને છેતરપિંડી આચરતો ગાંધીનગરનો એક શખ્સ ઝડપાયો છે. NRI પેસેન્જરોને સેલ્ફ ડ્રાઈવ પર કાર ભાડે જોઈતી હોવાની વાત સાથે લલચાવીને કાર મેળવતો હતો. મોંઘા ભાડે કાર મેળવીને ગુનાખોરી આચરનારાઓને વેચી દેતો હોવાનો આરોપીએ ખુલાસો કર્યો છે.

આ પણ વાંચોઃ રાજદ્રોહના કેસમાં હાર્દિક પટેલ જેલની બહાર આવ્યો અને માણસા પોલીસે ધરપકડ કરી

જો તમારી કારને કોઈ ઉંચા ભાડે મેળવવાની લાલચ આપે તો, કારને ભાડા પર આપતા પહેલા સો વાર વિચાર કરજો. આ કિસ્સો સાંભળીને ચોંકી જવાઈ તેવું છે. કારણ કે, ગુનાખોરીમાં સામે આવેલી કારને લઈને પોલીસ શોધતી તમારા ઘરના દરવાજે પહોંચી શકે છે. ચમચમાતી કારને ભાડે મેળવવાને બહાને છેતરપિંડી આચરનારો શખ્સ હિંમતનગર શહેરના બી-ડિવઝન પોલીસે ઝડપી લીધો છે. ઝડપાયેલો આરોપી ગાંધીનગરમાં પોતાની ઓફીસ હોવાનું જણાવી કાર ભાડે આપનારાઓનો સંપર્ક કરતો હતો. જે બાદ ખાનગી કારને ભાડે મેળવતો અને પછી કારને ગુનાખોરીની દુનિયાના લોકોને વેચી દેતો હતો અને ખાસ કરીને દારુની હેરાફેરી કરનારાઓને.

READ  ભાજપના નવા પ્રદેશ પ્રમુખ પાટીલે, કેશુભાઈ પટેલના લીધા આર્શીવાદ


તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો

 

 

ઝડપાયેલો આ શખ્સ મિહિર પટેલ છે. તે ગાંધીનગરના દહેગામ તાલુકાના સાણોદા ગામનો રહેવાસી છે. કાર ભાડે આપનારા કે, ઘરેલું ગાડીના માલીકનો સંપર્ક કરતો હતો અને તેમની કારને સેલ્ફ ડ્રાઈવ એટલે કે ડ્રાઇવર વિના જ ભાડે માંગતો હતો. પોલીસે છ જેટલી કારની છેતરપિંડી બે શખ્સોએ આચરી હોવાની તપાસ હાથ ધરતા એક મુખ્ય આરોપીને પોલીસે ઝડપી લેતા વેચી દીધેલી છ કાર પોલીસે પરત મેળવી છે.

READ  Villagers suffer due to lack of electricity,authority plays blind fold,Valsad-Tv9 Gujarati

 

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

 

સાબરકાંઠા SP ચૈતન્ય મંડલીક ગુનાની તપાસને લઈને કહે છે કે, હિંમતનગરની છ જેટલી કારની છેતરપિંડી આચરી હતી. તે તમામ કારને મેળવી લેવામાં આવી છે. આ કારનો ગુનામાં ઉપયોગ કરવામાં આવતો હોવાનું સામે આવ્યું હતું.

Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો

 

મોટાભાગે દારુની હેરફેર કરનારા શખ્સોને કારની જરુર હોવાને લઈને મિહિર તે કારને તેવા શખ્સને વેચી દેતો હતો. જેને લઇને એક કાર અમદાવાદની ક્રાઈમ બ્રાંચે ઝડપી લેતા જ કારની તપાસમાં જ આખરે સમગ્ર મામલો કાર ભાડે આપનાર માલીક સુધી પહોંચ્યો હતો. હિંમતનગરની બી-ડિવિઝન પોલીસ સ્ટેશનના PSI અલ્કેશ ગઢવીએ તપાસ હાથ ધરતા છ જેટલી કારની છેતરપિંડી આચરાઈ હોવાનું સામે આવ્યું હતું. પોલીસે તપાસનો દૌર શરુ કરતા જ મોટાભાગની કારને દારુની હેરફેરમાં જ વેચી હોવાને લઈને રાજસ્થાનમાંથી પણ અન્ય કાર મળી આવી હતી.

READ  Onion prices shoot up BUT farmers getting low prices for their crops - Tv9

તો અન્ય એક કાર રાજકોટથી મળી આવી હતી. સુરેન્દ્રનગરમાં પોલીસ પર ફાયરીંગ કરીને ગુના આચર્યો હોવાનું પોલીસની તપાસમાં ખુલ્યું હતું. પોલીસે હવે મિહિર પટેલના ભાગીદાર વિનેશ ઠેસીયાની પણ શોધખોળ હાથ ધરી છે. છ જેટલી કારની ૪૧ લાખ જેટલી કિંમતની બંને આરોપીઓએ પોતાની ટ્રાવેલ્સ એજન્સી હોવાના બહાને છેતરપિંડી આચરી હતી. પોતાની ઓફિસ ગાંધીનગરમાં હોવાનુ તરકટ રચ્યું હતું. પોલીસે હવે ગાંધીનગર અને અમદાવાદમાંથી પણ આવી રીતે કારની છેતરપિંડી આચરી હોઇ શકે છે. તે દીશામાં પણ તપાસ હાથ ધરી છે.

FB Comments