CPMની વિરુદ્ધમાં એક શબ્દ પણ નહીં બોલું: રાહુલ ગાંધી

રાહુલ ગાંધી કેરળની વાયનાડ સીટથી પણ ચૂંટણી લડશે. આમ CPM સાથે કોંગ્રેસની સીધી ટક્કર થશે. આ બાબતને લઈને રાહુલે એક નિવેદન પણ આપ્યું છે.

કોંગ્રેસ પાર્ટીના રાષ્ટ્રીય અધ્યક્ષ રાહુલ ગાંધી કેરળના વાયનાડ સીટથી પણ ચૂંટણી લડવા જઈ રહ્યાં છે. ગુરુવારના રોજ નામાંકન ભરીને તેમણે કહ્યું કે તે CPMની વિરુદ્ધમાં એક શબ્દ પણ નહીં બોલે. રાહુલ ગાંધીનું આ નિવેદન એવા સમયે આવ્યું છે જ્યારે રાહુલ ગાંધીના વાયનાડથી ચૂંટણી લડવાના નિર્ણયને વિપક્ષની એકતા વિરુદ્ધ ગણાવવામાં આવી રહ્યો છે. કેરળમાં વામપંથી દળોએ તો રાહુલ ગાંધી પર આ વાતને લઈને હુમલો કરવાની પણ શરુઆત કરી દીધી છે.

READ  અમેરિકા અને ચીન વચ્ચે થયેલી વ્યાપારિક બેઠક નિષ્ફળ, રાષ્ટ્રપતિ ડોનાલ્ડ ટ્રમ્પે 300 અબજના ડોલરના ચીની ઉત્પાદનો પર ઈમ્પોર્ટ ડ્યૂટી વધારી દીધી

 

 

 

રાહુલ ગાંધીએ પત્રકારો સાથેની વાતચીતમાં કહ્યું કે ‘CPMના મારા ભાઈ અને બહેન મારી સામે બોલશે તે હું સમજી શકુ છું પણ આ ચૂંટણીના સમગ્ર અભિયાનમાં હું તેમની વિરુદ્ધ એક શબ્દ પણ નહીં બોલું’ ઉલ્લેખનીય છે કે રાહુલ ગાંધીની વાયનાડ સીટ પરથી ચૂંટણી લડવાની જાહેરાત બાદ સાઉથની રાજનીતિમાં હડકંપ મચી ગયો છે. રાહુલ ગાંધીએ અહીંથી ચૂંટણી લડવા માટે કહ્યું કે તેઓ અહીંની સંસ્કૃતિ બચાવવા માગે છે જે મોદી અને RSS બગાડી રહ્યાં છે. ભલે રાહુલ ગાંધીએ મોદીને રોકવા માટે ચૂંટણી લડવાની જાહેરાત કરી હોય અને CPMની વિરુદ્ધમાં એકપણ શબ્દ બોલવાની વાત કરી હોય પણ કોંગ્રેસનો અહીં સીધો મુકાબલો CPMની સાથે જ છે તે જગજાહેર છે.

READ  ભાવનગર: ઘોઘા રો-રો ફેરી પોન્ટુન પર ટ્રકનો અકસ્માત, ટ્રક દરિયાના પાણીમાં ગરકાવ

 

Latest News Stories From Gujarat : 15-10-2019 | Tv9GujaratiNews

FB Comments