• March 22, 2019

#MainBhiChowkidar : વડાપ્રધાન નરેન્દ્ર મોદી સહિત તમામ ભાજપના વરિષ્ઠ નેતાઓએ પોતાનું ટ્વિટર હેન્ડલ પર નામ બદલ્યું

ભાજપે લોકસભાની ચૂંટણી માટે તમામ તૈયારીઓ શરૂ કરી દીધી છે. ત્યારે સોશિયલ મીડિયા પર પણ કેમ્પઇન માટે નવો જ રસ્તો અપનાવ્યો છે. જેને જોતાં ભાજપના તમામ વરિષ્ઠ નેતા, જેમ કે વડાપ્રધાન મોદી, ભાજપ અધ્યક્ષ અમિત શાહ સહિત ઘણાં નેતાઓએ ટ્વિટર પર પોતાના નામની આગળ ચોકીદાર શબ્દ લગાવ્યો છે.

વડાપ્રધાન મોદીનું નામ હવે ચોકીદાર નરેન્દ્ર મોદી અને અમિત શાહનું નામ ચોકીદાર અમિત શાહ થયું છે. શનિવારે જ વડાપ્રધાન મોદીએ મૈં ભી ચોકીદાર કેમ્પઇનની શરૂઆત કરી હતી. જ્યારથી તેનું ચલણ વધી રહ્યું છે.

જે પછી વડાપ્રધાન મોદીએ કહ્યું હતું કે, દરેક દેશવાસી જે ભ્રષ્ટાચાર, ગંદકી અને સામાજિક મુશ્કેલીઓની સામે લડી રહ્યા છે. તેઓ એક ચોકીદાર છે. ભારતના વિકાસ માટે સખત મહેનત કરી રહેલાં તમામ વ્યક્તિ ચોકીદાર છે.

આજે સવારથી જ સોશિય મીડિયા પર પણ #MainBhiChowkidar અને #ChowkidarPhirSe  ટ્રેન્ડ કરી રહ્યું છે.  નવું અભિયાન શરુ કર્યા બાદ હવે ભાજપના તમામ મોટા નેતાઓએ પોતાના ટ્વિટર હેન્ડલમાં ચોકીદાર શબ્દનો ઉમેરો કર્યો છે. આજે સવારથી જ નેતાઓ પોતાના ટ્વિટર હેન્ડલમાં આ જ શબ્દ ઉમેરી રહ્યાં છે.

આ તરફ કોંગ્રેસ દ્વારા પણ ચોકીદાર ચોર હૈની સાથે એક કેમ્પઇન શરૂ કર્યું છે. લાંબા સમયથી કોંગ્રેસ અધ્યક્ષ રાહુલ ગાંધી  ‘ચોકીદાર ચોર હૈ’ ના નામે સીધો નિશાનો ભાજપ પર ટાંકતા રહ્યા છે. જેમાં તેણે પણ આ માટેનું એક કેમ્પઇન શરૂ કર્યું છે.

FB Comments

Hits: 787

TV9 Web Desk6

Read Previous

માં ગંગાના આશીર્વાદ મેળવી પ્રિયંકા વાડ્રા આજથી ઉત્તર પ્રદેશમાં શરૂ કરશે ચૂંટણી પ્રચાર, પ્રયાગરાજ થી વારણસી સુધી કરશે ‘ગંગાયાત્રા’

Read Next

રિપોર્ટ : બાલાકોટ એર સ્ટ્રાઇક પછી ભારત અને પાકિસ્તાન એકબીજા પર મિસાઇલ દાગીને તૈયાર હતા, જો અમેરિકા મધ્યસ્થી ન બન્યું હોત તો…

WhatsApp chat