છોટા ઉદેપુરના દિવ્યાંગે વ્હીલચેરની સરકારી સહાય લેવાની ના પાડી, કહ્યું કે ‘વ્હીલચેર મને કમજોર બનાવી દેશે’

છોટા ઉદેપુરના વિકેશ કુસ્વાહા નામના દિવ્યાંગ યુવકે સહાયમાં મળતી વ્હીલચેર લેવાનો ઈનકાર કર્યો, દિવ્યાંગે સરકાર પાસે પગની સારવાર કરવાની માગ કરી કારણ કે વ્હીલચેર તેને કમજોર બનાવી દેશે.

વિકેશે હાલમાં જ દિવ્યાંગો માટે રાજ્ય સરકારે યોજેલા સાધન સહાય કેમ્પમાં સહાય લેવાનો ઈનકાર કરી દીધો. સર્વ શિક્ષા અભિયાન અંતર્ગત દિવ્યાંગોને સાધનોમાં આપવામાં આવ્યા. જેમાં વિકેશને પણ વ્હીલચેર આપવાની હતી પરંતુ વિકેશે સહાય લેવાનો ઈનકાર કરી દીધો. કેમ કે વિકેશનું માનવું છે કે, તે વ્હીલચેર તેને કમજોર બનાવી દેશે. રાજ્ય સરકારને તે કહી રહ્યો છે કે, આપવો હોય તો પગ આપો. વ્હીલચેર આપીને મને કમજોર ના બનાવશો.

READ  શહીદ જવાનોના પરિજનોની વહારે આવ્યું દુનિયાનું સૌથી અમીર ક્રિકેટ બોર્ડ, BCCI ચીફે 5 કરોડ રૂપિયાની મદદ કરવા માટે COAને કર્યો અનુરોધ

વિકેશ ભલે દિવ્યાંગ હોય પરંતુ તે શાળામાં અભ્યાસની સાથે પોતાના પરિવારને પણ એટલો જ મદદગાર થાય છે. તે પરિવારને ઘરના કામમાં હાથ આપે છે. તબીબોનો દાવો છે કે, યોગ્ય સારવારથી તેનો પગ ઠીક થઈ શકે છે. ત્યારે હંમેશા બાળકની ચિંતા કરતા વિકેશના પિતા રાકેશ કુસ્વાહની માગ છે કે, રાજ્ય સરકાર સાઈકલ આપીને કમજોર બનાવવાના બદલે પગ આપીને તેને વધુ મજબૂત બનાવે.

 

READ  સ્વચ્છતાનો પાઠ શીખવવામાં આણંદના આ બાળકોએ સૌને કરી દીધા પાછળ, ઈન્ડિયા બુક ઓફ રેકોર્ડમાં મળ્યું સ્થાન

મહત્વનું છે કે, 12 તારીખે બોડેલીમાં એસેએસમેન્ટ કેમ્પ યોજાયો હતો. જેમાં તજજ્ઞોની તપાસ બાદ દિવ્યાંગ બાળકોને ટ્રાઈસિકલ, કાનમાં સાંભળવાનું મશીન જેવા સાધનોની સહાય કરવામાં આવી હતી. સર્વ શિક્ષા અંતર્ગત કુલ 127 બાળકોને રાજ્ય સરકાર તરફથી સહાય આપવામાં આવી હતી. જો કે વિકેશે એમ કહીને સરકારની સહાય ઠુકરાવી દીધી છે, સાઈકલ તેને કમજોર બનાવી દેશે. તેના પરિવારજનોની માગ છે કે, રાજ્ય સરકાર વિકેશને પગ આપે. જેથી તે પોતાના સપનાઓ પૂરા કરી શકે.

READ  108 એમ્બ્યૂલન્સ સેવા હવે થશે અદ્યતન, ઈમરજન્સીમાં દર્દીએ એડ્રેસ લખાવવાની પણ નહીં પડે જરુર

Top News Stories Of Gujarat: 10-12-2019 | TV9GujaratiNews

FB Comments