ચૂંટણી પંચે સરકારને કરી એક ભલામણ, સરકારે જો માની લીધી આ વાત તો સોશિયલ મીડિયા પર ચૂંટણીના 48 કલાક પહેલા નેતાઓની બોલતી થઈ જશે બંધ

કોઈ પણ ચૂંટણી હોય, મતદાનના 48 કલાક પહેલા નિયમ મુજબ જાહેર પ્રચાર ઝુંબેશ સમાપ્ત થઈ જાય છે, પણ સોશિયલ મીડિયા અત્યાર સુધી આ નિયમમાંથી બહાર છે.

એટલે જ ચૂંટણી પંચ (EC) કાયદા મંત્રાલયને પત્ર લખી લોક પ્રતિનિધિત્વ અધિનિયમની કલમ 126માં સંશોધન કરી તેનો દાયરો સોશિયલ મીડિયા, ઇંટરનેટ, કેબલ ચૅનલ્સ અને પ્રિંટ મીડિયાની ઑનલાઇન આવૃત્તિઓ સુધી વધારવા વાત કહી છે. કલમ 126 ઇલેક્શન સાયલંસની વાત કહે છે કે જેના મુજબ જ્યાં મતદાન થવાનું છે, ત્યાં મતદાનના 48 કલાક પહેલા પ્રચાર પર પ્રતિબંધ લાગી જાય છે, પરંતુ સોશિયલ મીડિયા પર આ પ્રતિબંધ લાગુ થતો નથી. તેથી જ ચૂંટણી પંચે લોક પ્રતિનિધિત્વ અધિનિયમમાં કલમ 126(2) પણ ઉમેરવાની વાત કરી છે કે જેના હેઠળ ઇલેક્શન સાયલંસનો દાયરો વધ્યા બાદ તેના ભંગ સામે કાર્યવાહી થઈ શકશે.

READ  કેવી રીતે ચૂંટણી પંચે 1951 થી લોકસભાની ચૂંટણીમાં મતદાન કરી રહેલાં દેશના સૌ પ્રથમ મતદાર શ્યામ સરણ નેગીને શોધી કાઢ્યા ?, Ph.D થી ઓછી ચેલેન્જ ન હતી અધિકારીઓ માટે

ઈસીએ સરકારને ત્રણ અઠવાડિયા પહેલા ગત 17 જાન્યુઆરીએ આ પત્ર લખ્યો છે કે જેને લોકસભા ચૂંટણી 2019માં લાગૂ કરી શકાય, પરંતુ હજી સુધી આ દિશામાં કોઈ સરકાર તરફથી કોઈ પહેલ કરાઈ નથી. સંસદનું છેલ્લુ સત્ર પણ 13 ફેબ્રુઆરીએ ખતમ થઈ રહ્યું છે.

કાયદા સચિવને લખાયેલા પત્રમાં ઈસીએ પ્રિંટ મીડિયાને પણ તેના દાયરામાં લાવવની વાત કહી હતી. ઈસીએ કલમ 126ની સમીક્ષા માટે રચાયેલી સમિતિના રિપોર્ટના આધારે આ વાત કહી છે. આ સમિતિએ ગત 10 જાન્યુઆરીએ 48 કલાક પૂર્વે પ્રચાર પર પ્રતિબંધનો દાયરો વધારવાની ભલામણ કરી હતી.

READ  આજનું રાશિફળ: નોકરી અને વ્‍યવસાય સાથે સંકળાયેલા આ રાશીના જાતકો માટે આજે દરેક રીતે લાભદાયી દિવસ

પરંતુ મહત્વની વાત એ છે કે સત્તારૂઢ ભાજપ અને મુખ્ય વિપક્ષ કૉંગ્રેસ સહિત દેશના તમામ નાના-મોટા રાજકીય પક્ષોને ઈસીના આ સુચનમાં રસ નથી, કારણ કે તમામ પક્ષો આજ-કાલ ચૂંટણી પ્રચારમાં સોશિયલ મીડિયાનો ભરપૂર ઉપયોગ કરે છે. તેમાં પણ મતદાનના 48 કલાક પહેલા જ્યારે જાહેર પ્રચાર ઝુંબેશ ખતમ થઈ જાય છે, ત્યારે રાજકીય પક્ષો સોશિયલ મીડિયા પર જ પ્રચારનો મારો ચલાવે છે.

READ  લોકસભા-2019ની ચૂંટણીની જાણો 10 રોચક વાતો

[yop_poll id=1238]

Ahmedabad: Opposition alleges corruption in distribution of houses under Awas Yojana| TV9News

FB Comments