• March 24, 2019

SBIએ કર્યો એક એવો મોટો નિર્ણય કે એક પણ રૂપિયો આપ્યા વગર શહીદ CRPF જવાનોના પરિજનોની કરી દીધી લાખો રૂપિયાની મદદ

પુલવામા આતંકી હુમલામાં શહીદ થયેલા CRPF જવાનોના પરિજનોની મદદ માટે આખા દેશમાંથી લોકો આગળ આવી રહ્યા છે. આ જ ક્રમમાં SBIએ પણ એક મોટી પહેલ કરી છે.

 

દેશની સૌથી મોટી બૅંક સ્ટેટ બૅંક ઑફ ઇંડિયા (SBI)એ કરેલી આ વિશેષ પહેલ હેઠળ એક મોટો નિર્ણય કર્યો છે. એસબીઆઈએ પુલવામા આતંકી હુમલામાં શહીદ થયેલા જવાનો કે તેમના પરિજનોએ લીધેલી લોનની રકમ માફ કરવાનો નિર્ણય કર્યો છે.

મીડિયા રિપોર્ટ્સ પ્રમાણે પુલવામા હુમલામાં જે CRPF જવાનો શહીદ થયા છે, તેમાંથી 23 સૈનિકો કે તેમના પરિજનોએ એસબીઆઈમાંથી જુદી-જુદી પ્રકારની લોન લીધી હતી. એસબીઆઈએ આ તમામ લોનની બાકી રકમ તાત્કાલિક અસરથી માફ કરવાનો નિર્ણય કર્યો છે. આ ઉપરાંત એસબીઆઈએ શહીદ સૈનિકોના પરિજનોને વીમાની રકમ પણ જલ્દીથી જલ્દી ઇસ્યુ થાય, તેવી પણ વ્યવસ્થા કરવાનો નિર્ણય કર્યો છે.

નોંધનીય છે કે શહીદ થયેલા તમામ સીઆરપીએફ જવાનો ડિફેંસ સૅલેરી પૅકેજ હેઠળ એસબીઆઈના ગ્રાહક હતાં. તેના હેઠળ બૅંક દરેક જવાનને 30 લાખ રૂપિયાનો વીમો ઉપલબ્ધ કરાવે છે. એવામાં જવાનના શહીદ થવા કે ઈજાગ્રસ્ત થવાની સ્થિતિમાં તેમના પરિજનોને રકમ આપવામાં આવે છે, પરંતુ આ આખી પ્રક્રિયામાં બહુ સમય લાગી જાય છે. એસબીઆઈ પ્રમુખ રજનીખ કુમારે કહ્યું, ‘આપણા દેશની સુરક્ષામાં તહેનાત રહેનાર જવાનોની શહાદત હચમચાવનારી છે. સંકટની આ ઘડીમાં અમે શહીદોના પરિવારો સાથે છીએ.’

[yop_poll id=1554]

Dadra and Nagar Haveli: BJP youth leader Ankita Patel resigns over not getting LS polls ticket- Tv9

FB Comments

Hits: 2243

TV9 Web Desk7

Read Previous

પુલવામા હુમલાના પગલે હવે આગ્રાના ઉદ્યોગકારો નહીં મગાવે પાકિસ્તાનથી ચામડું, પાકિસ્તાનને લાગ્યો કરોડોનો ઝટકો

Read Next

આતંકી હુમલાને લઈને ગુજરાતમાં ALERT, ગુજરાતના આ સ્થળો પર ગોઠવાઈ ખાસ સુરક્ષા વ્યવસ્થા, જુઓ VIDEO

WhatsApp chat