• March 21, 2019

સ્વામીનારાયણ સંપ્રદાયના આ ગ્રંથનો લાભ હવે આવનારી દરેક પેઢીને મળશે! જાણો કેમ…

Titanium Swaminarayan Granth

‘હરિચરિત્રામૃત સાગર’ સ્વામીનારાયણ સંપ્રદાયનો 160 વર્ષ જૂનો ગ્રંથ છે. આ ગ્રંથમાં ભગવાન સ્વામીનારાયણના દૈનિક વિચરણ તથા ભગવાન સ્વામીનારાયણ હયાત હતાં તે સમયના ઉત્સવો અને સમૈયાઓ વિશેનો ઉલ્લેખ છે. આ વર્ષો જૂનો ગ્રંથ આજે પણ વડતાલ સ્વામીનારાયણ મંદિર ખાતે મૂકાયેલો છે. પરંતુ આ ગ્રંથ ઘણો જ જૂનો અને અલૌકિક હોવાથી આ ગ્રંથના જ્ઞાનનો લાભ આવનારી પેઢીઓને પણ મળી રહે તે આશયથી આ ગ્રંથને ‘ટાઈટેનિયમ ગ્રંથ’ બનાવવાનું નક્કી કરાયું.

'ટાઈટેનિયમ ગ્રંથ' TV9 News
‘હરિચરિત્રામૃત સાગર’ બન્યો ‘ટાઈટેનિયમ ગ્રંથ’

શું છે ‘ટાઈટેનિયમ ગ્રંથ’? કેવી રીતે તૈયાર કરાયો ‘ટાઈટેનિયમ ગ્રંથ’?

‘હરિચરિત્રામૃત સાગર’ના દરેક અક્ષરની ટાઈટેનિયમ પ્લેટ પર કોતરવામાં આવ્યો છે. સંતો અને હરિભક્તોની છેલ્લા 3 વર્ષોની અથાગ મહેનત બાદ આ ટાઈટેનિયમ ગ્રંથ તૈયાર કરવામાં આવ્યો છે. આ ગ્રંથનું વજન 778 કિલો છે જ્યારે 6202 ટાઈટેનિયમ પ્લેટનો ઉપયોગ કરવામાં આવ્યો છે. જેથી આ પ્લેટ્સ અને ગ્રંથનું વજન કુલ મળીને 1047 કિલો થાય છે.

કેમ તૈયાર કરાયો ‘ટાઈટેનિયમ ગ્રંથ’?

આ ગ્રંથ 160 વર્ષ જૂનો હોવાથી શક્યતા હતી કે આવનારા સમયમાં ગ્રંથ સારી પરિસ્થિતિમાં ન રહે. જેના કારણે આગામી પેઢીઓને આ ગ્રંથના જ્ઞાનનો લાભ ન મળે. પરંતુ હરિચરિત્રામૃત સાગર’નું ટાઈટેનિયમ વર્ઝન તૈયાર થતાં આગામી પેઢી પણ આ ગ્રંથનો લાભ લઈ શકશે. ઉલ્લેખનીય છે કે સ્વામીનારાયણ સંપ્રદાયની આ પહેલી એવી ઘટના છે જેમાં કોઈ ગ્રંથની ટાઈટેનિયમ પ્લેટ પર કોતરણી કરવામાં આવી હોય.

Titanium Granth- TV9 News
6202 ટાઈટેનિયમ પ્લેટ્સનો ઉપયોગ કરીને તૈયાર કરાયો ગ્રંથ

હજારો હરીભક્તો સાથે નીકળી ગ્રંથયાત્રા

3 વર્ષની મહેનત બાદ તૈયાર થયેલા આ ગ્રંથ માટે ખાસ યાત્રા યોજવામાં આવી. વડોદરાના કારેલીબાગ સ્થિત સ્વામીનારાયણ મંદિરથી વાજતે ગાજતે આ ગ્રંથયાત્રા નીકળી જેમાં 4 હજાર જેટલા હરીભક્તો જોડાયા. આ તમામ હરીભક્તો વડોદરાથી પગપાળા વડતાલ મંદિર પહોંચશે અને આ ટાઈટેનિયમ ગ્રંથ મંદિરમાં અર્પણ કરશે.

FB Comments

Hits: 16

TV9 Web Desk3

Read Previous

ઓસ્ટ્રેલિયા પ્રવાસ પહેલાં જાણી લો ટીમ ઇન્ડિયાની સ્થિતિ, કોણે મળ્યું છે સ્થાન

Read Next

13 વર્ષના ટેણિયાએ કર્યો એવો કમાલ કે ગિનીઝ બુક ઓફ વર્લ્ડ રેકોર્ડમાં મળ્યું સ્થાન

WhatsApp chat